عيش السورى و الكريب

-وصفة عيش الشاورما السورى و الكريب

وصفة العيش السورى :

الوصفة دي ممكن نعمل منها العيش السوري او الكريب او الكانيلوني و سهلة ممكن تتعمل للاطفال فى المدرسة او لجوزك في الشغل و مش مكلفه و هتوفرلك كتير .

اولاً : المقادير 

١- كوب لبن 

٢- كوب دقيق

٣- بيضة

٤- رشة ملح و فلفل 

٥- معلقة زيت او زبدة

ثانياً : الطريقة 

نخلط كل المكونات كويس في الخلاط و علي طاسة تيفال سخنة نمسحها بزيت بالفرشة عشان متلزقش ، دقيقة و اقلبيها علي الناحية التانية و بين كل واحدة و التانية نمسح الطاسة بزيت و بعد ما تخلصي الحشو بقي على حسب الرغبة ممكن شاورما او بطاطس و تومية او ميكس جبن ، بعد ما تحشي و تقفليه تحطيهم تانى على الجريل كلهم على نار هادية و تكبسي عليه بطاسة عشان ياخد شكل خطوط الجريل و الاطراف تقرمش. 

الكمية دى تعمل ٥ كريبات مثلا و لو عايزة اكتر بتزودى الكمية 

طريقة التومية : 

هنقلب النشا مع الماية الاول على النار لحد ما يتكون خليط شفاف نطفي و نسيبه يبرد و بعدين فى الكبة ننزل النشا مع معلقتين كبار زبادى و معلقتين كبار مايونيز و معلقة ملح و معلقة خل و نضرب كويس و ننزل بالزيت شوية بشوية لو الخليط حسيتيه تقيل زودى معلقتين تلاتة ماية لحد ما توصلى للقوام اللى انتى عايزاه.