Chef expresso

-طريقة عمل كباب حلة بنقطع اللحمة قطع صغيرة و نقطع بصل و فلفل شرايح و توم و مشروم لو موجود ، بنشوح اللحمة مع البصل و الفلفل و التوم و المشروم و نحط توابل فلفل اسود / كمون / كسبرة / حبهان / ورق لورى / قرفة خشب / بهارات لحمة ، نغطي ١٠ دقائق كدا لحد ما اللحمة و البصل تنزل مايتهم و اللحمة تاخد لون ، بنزود شوية ماية صغيرين و نغطي لحد ما اللحمة تستوى هتكون الماية قلت و عملت صوص حلو.  المكرونة بالخضار السوتيه بنسلق المكرونة عادى و نصفيها ، بنقطع كوسة و جزر و فلفل شرايح و نشوحهم مع معلقة زبدة لحد ما يدبلو ، فى نفس الوقت نفرم ٥ طماطم و نسبكهم لما الخضار يستوى نرميهم على التسبيكة و نحط بابريكا و نظبط ملح و فلفل اسود و روزمارى و بعدها نرمى المكرونة و نقلب و بس كدا بالهنا و الشفا. 

-طريقة عمل ام علي اولاً:المقادير ١- ميلفيه أو جلاش ٢- زبيب  ٣- جوز هند  ٤- مكسرات حسب الرغبة ٥- قشطة  ٦- لبن  ٧- حليب جوز الهند لو متوفر  ثانياً: الطريقة  بنكسر الميلفيه و بنحمره مع معلقة زبدة لحد ما ياخد لون و يقرمش ، بنغلى اللبن و نحط سكر حسب الرغبة ، بنكون مجهزين المكسرات و جوز الهند و القشطة بنجيب الطاجن نحط فيه الميلفيه و عليه المكسرات و جوز الهند و نصب اللبن و حليب جوز الهند و على الوش بنحط القشطة ، ندخله الفرن و نسيبه تحت الشواية لحد ما الوش ياخد لون زى الصورة هى غالبا بتاخد ربع ساعة فى الفرن و بألف هنا.

-طريقة عمل صينية بطاطس بوريه بالبشاميل اللحمة المفرومة بنفرم بصلاية كبيرة نصفيها من مايتها و نخلطها باللحمة مع ملح و فلفل و بهارات لحمة و نسيبها شوية ، نسلق بطاطس بقشرها و بعد السلق نقشرها و نهرسها كويس و نظبط ملح و كمون ، بنعمل البطاطس كور كدا و نحطها فى الصينية و بعدها اللحمة المفرومة كور برضة و نحطها فوق كور البطاطس ، نعمل بقى البشاميل فى حلة نحط ٣ معالق كبار زبدة و معلقتين دقيق و نقلب لحد ما يوصل للون الدهبى نطفي و ننزل باللبن البارد مش سخن و نقلب بالمضرب لحد ميكنش فى كلاكيع خالص ، نحطها ع النار تانى و نقلب و نحط اى نوع جبن عندنا رومى مبشور / موتزاريلا / شيدر / نستو ، نجيب كوباية فيها ماية و مرقة دجاج و فلفل اسود و نحطها على البشاميل و نقلب لحد ما يوصل للقوام الكريمى  ، نصب البشاميل فى الصينية حوالين البطاطس و الكفتة و ندخلها الفرن على درجة حرارة ١٨٠ لمدة ربع ساعة نطلعها و نحط على وشها موتزاريلا و ندخلها تانى و نتابعها لحد ما تستوى. 

-طريقة عمل مكرونة بالجمبرى هنسلق المكرونة و نصفيها و قبل ما نصفيها ناخد كوباية من ماية السلق ، فى صينية هنحط معلقتين زيت زيتون و الجمبرى و توم مهروس و جنزبيل و هنقلب لمدة ٣ دقايق و نضيف ماية السلق ، نسيبهم على النار شوية لحد ما الجمبرى يشرب ماية السلق هنضيف كريمة طهى و معلقة صويا صوص  و نقلب دقيقتين و ننزل عليهم المكرونة نقلب و نحط على الوش جبنة موتزاريلا و بقدونس حسب الرغبة.

-طريقة عمل كفتة الحاتى  بنجيب اللحمة المفرومة و يفضل يبقى فيها نسبة دهن ٢٥٪؜ ، بنفرم بصلاية كبيرة و نصفيها من مايتها تماما و نسيب الماية هنحتاجها بعدين ، بنحط البصل على اللحمة و معاها ملح و فلفل اسود و بهارات لحمة و ندعك جامد بعدها نحط نص معلقة صغيرة بيكنج صودا ( بيكربونات الصوديوم ) لو مفيش ممكن نستبدلها بمعلقة بيكنج بودر ، نقلب الكفتة جامد و نسيبها ترتاح حوالى ١٥ دقيقة ، نجيب اسياخ و نبتدى نصبع الكفتة و احنا بنصبع نستخدم ماية البصل نبل ايدنا بالماية و نمشيها على الكفتة بعد التصبيع ، ندخلها الفرن على درجة حرارة ٢٠٠ حوالى نص ساعة ، بعد ما نخرجها من الفرن نولع فحمة و نحطها فى نص الصينية و نقفل بفويل ١٠ دقايق و بالهنا و الشفا. 

-طريقة عمل الكيكة  أولاً : المقادير   ١- ٢ كوب دقيق  ٢- ٣ بيض  ٣- نص كوب زيت عليه معلقة سمنة  ٤- كوب الا ربع لبن  ٥- كوب سكر  ٦- رشة فانيليا  ٧- معلقة كبيرة بيكنج بودر  ثانياً : طريقة التحضير   بنحط فى الخلاط اللبن و البيض و الزيت و السكر و نضرب جامد ، و فى بولة نحط الدقيق و البيكنج بودر و الفانيليا و نقلب و نحط عليهم الخليط اللى خلطناه و نضرب بالمضرب اليدوى لحد ما يمتزج القوام ، بنجيب الصينية ندهنها بالفرشة زيت عشان متلزقش  و نبطنها برشة دقيق لو تيفال مش لازم ندهنها و بعدين نصب المكونات فى الصينية و لو عايزة تبشرى شوكولاتة براحتك عايزاها سادة برضه براحتك ، ندخلها الفرن على درجة حرارة ٢٠٠ و نظبطها تكون فى نص الفرن و نسيبها من ٢٠ ل ٣٠ دقيقة اهم حاجة منغتحش عليها قبل تلت ساعة عشان متهبطش ، نختبرها بخلة لو طلعت نضيفة يبقى خلاص استوت لو كانت استوت و الوش لونه فاتح بنفتح الشواية دقيقتين بالظبط و انتى واقفة جنبها عشان متتحرقش و تقفلى ، و يفضل بعد ما تكلو منها تغطى الباقى عشان تفضل طرية و متتعرضش للهوا. 

-طريقة عمل مكرونة بالوايت صوص و الدجاج  مقادير الوايت صوص :  ١- كوب لبن  ٢- معلقتين دقيق  ٣- معلقتين سمنة  ٤- كريمة طهى  ٥- ملح  ٦- فلفل اسود  بنسلق المكرونة عادى و نصفيها ، و على نار هادية فيها معلقتين سمنة و معلقتين الدقيق و نقلب كويس لحد ما اللون يبقى دهبى نطفى النار ، نضيف اللبن البارد و الكريمة ( لو مفيش كريمة ممكن نجيب كيس شوربة كريمة الدجاج من ماجى او كنور )  و نقلب جامد لحد ما القوام يتماسك نرجعهم على النار تانى و نحط ملح و فلفل اسود و بهارات و نقلب لحد ما يبقى القوام كريمى نضيف المكرونة و نقلب بس كدا. الفراخ بنسلقها عادى و نحضر ٣ اطباق طبق دقيق / طبق بيض و فلفل اسود / طبق فيه كورن فليكس بنطحنه قبلها نص طحنة و ملح و فلفل اسود و مرقة دجاج ، بنحط الفراخ فى الدقيق / البيض / الكورن فليكس و نغطيها بأسترتش و ندخلها الفريزر شوية عشان تتماسك ، ساعتين و نطلعها و نقلى فى زيت سخن و بس كدا بألف هنا.

-طريقة عمل الكريم كراميل  اول حاجة بنعمل الكراميل بنكرمل كوباية سكر فى الصينية اللى هنعمل فيها الكريم كراميل على النار و نقلب جامد لحد ما يسيح و يبقى لونه دهبى نطفى و نسيبه يبرد خالص ، بعدها نحط فى الخلاط ٥ بيضات و كوباية سكر و فانيليا و نضرب جامد لحد ما يتضاعف حجمه ، بعدها نغلى على النار كوبايتين لبن كبار بعد ما يغلى نطفى عليه و نصب الخليط اللى فى الخلاط على اللبن و نقلب كويس و بعدها نصبه على الكريم كراميل بعد ما نتأكد انه برد خالص ، نجيب صينية اكبر من صينية الكريم كراميل فيها ماية سخنة و نحط جواها صينية الكريم كراميل و ندخلها الفرن على درجة حرارة ٢٠٠ على الرف اللى تحت و تتابعيه لو حطيتى السكينة و طلعت نضيفة يبقى خلاص استوى هو بياخد حوالى ساعة الا ربع او ساعة بالكتير ، بنطلعه و نحطه فى التلاجة و بس كدا بألف هنا.

-طريقة عمل البسلة  البسلة من الخضار المفيدة جدا و اكلة متداولة فى كل البيوت.  بنسلق اللحمة الاول و بنفصص البسلة و نقطع الجزر مثلثات صغيرة و نغسلهم كويس ، نفرم بصلة و شوية توم و ٤ او ٥ طماطم  كبار ، فى حلة فيها معلقة سمنة نشوح فيها البصل و التوم بعدها ننزل باللحمة و توابل ملح و فلفل و بابريكا و بهارات نقلب شوية و ننزل بعصير الطماطم و معلقة صلصة نسيبها تتسبك شوية و فى الاخر ننزل بالخضار و نزود شوربة و نغطى نسيبهم ١٠ دقايق كدا عشان البسلة مش بتاخد وقت فى السوا و نطفى ، نكون مجهزين الرز فى حلة فيها زيت او سمنة نشوح الشعرية جامد و ننزل بالرز نشوحه شوية بعدها ننزل بالشوربة يدوب يغطى الرز بشوية قد عقلة الصابع كدا اول ما الشوربة تغلى نوطى خالص و نغطى لحد ما يستوى. 

-طريقة عمل مكرونة بالسجق بنسلق المكرونة عادى و نصفيها بس قبل ما نصفيها ناخد نص كوباية من ماية السلق ، نقطع بصل و فلفل الوان و توم قطع صغيرة و فى نفس الحلة اللى سلقنا فيها المكرونة نحط معلقة سمنة و ننزل بالبصل و الفلفل و التوم يتشوحو نحط السجق يتشوح معاهم و توابل ملح و فلفل وبابريكا و روزمارى و كمون و نقلب شوية لحد ما السجق يستوى ممكن نقطعه بعد السوا او نقطعه قبل ، ننزل بعصير الطماطم و معلقة صلصة و ماية السلق و نسيب الطماطم تتسبك بعدها ننزل بالمكرونة و نقلب جامد و بس كدا ، او ممكن السجق نحطه فى عيش فينو بيبقى جميل و لذيذ جدا و بس كدا بألف هنا.

-طريقة عمل صينية بطاطس باللحمة بنسلق اللحمة عادى و نحط فى الشوربة ( حبهان / ورق لورى / قرفة خشب / فلفل / بهارات ) مش هنحط ملح فى الاول عشان الملح بيأخرها فى السوا هنحط الملح بعد ما تستوى ،  نقطع بطاطس و بصل و فلفل رومى شرايح و نفرم توم  و نفرم ٤ طماطم  ، نجيب صينية فيها معلقة سمنة كبيرة و ننزل بالبصل و الفلفل و التوم يتشوحو لحد ما لونهم يدبل ننزل باللحمة نشوحها معاهم شوية و نحط توابل ملح و فلفل و بهارات ، ننزل بعصير الطماطم و شرايح البطاطس نعلى النار و نغطي عشان الطماطم تتسبك و البطاطس تستوى ، بعد ٥ دقايق نشوف البطاطس لو استوت ننزلها الفرن على درجة حرارة ١٨٠ لمدة ١٠ او ١٥ دقيقة بالكتير و نطلعها و بألف هنا. 

-طريقة عمل البانيه البانيه صنف مهم جدا و لا غنى عنه فى العزومات و سهل مش بياخد وقت. بنجيب صدور فراخ نقطعها قطع بالعرض متساوى و نحط على كل واحدة رشة ملح و فلفل على الناحيتين ، نفرم بصلة و ناخد الماية بتاعتها بس ، نجيب طبق نحط فيه ماية البصل و معلقة خل و نحط فيهم البانية و عليهم لبن يدوب يغطيهم و نقلب جامد عشان نتأكد ان التتبيلة دخلت فى البانية كويس ، نغطيه بأسترتش و ندخله التلاجة على الاقل ساعتين او ممكن من بالليل ، نطلعه و نجهز ٣ اطباق طبق دقيق و طبق بيضة بشوية فلفل و طبق بقسماط ممكن نجيبه جاهز او نعمله فى البيت ( عيش ناشف / كورن فليكس / مرقة دجاج / ملح / فلفل / بهارات فراخ او فيجيتار لو موجود ) بنضرب كله في المفرمة لحد ما يبقي كرسبي كدا مش ناعم ، نحط البانيه فى الدقيق بعدها البيض بعدها البقسماط و فى صينية فيها زيت سخن ننزل بالبانيه دقيقتين و نقلب على الوش التانى دقيقتين كمان زيهم و نطلعه ، يتعمل جنبه مكرونة او بالعيش بس حسب الرغبة.

-طريقة عمل الكشرى   الكشرى المصرى الاصيل الوجبة المفضلة للمصريين 👌 خطواته اه كتيرة بس سهلة.  أولاً : هنقسمه على ٤ اقسام   : القسم الاول   هنسلق المكرونة الاسباجتى و نصفيها و فى حلة تانية هنحط شوية زيت نحمر الشعرية جامد و ننزل بالرز يتشوح شوية و نزود ماية و نظبط الملح و نقلب و نوطى على الاخر و نغطى لحد ما يكمل سواه  القسم التانى :  الحمص و العدس نكون نقعينهم من بالليل عشان مياخدوش وقت فى السوا ، هنسلق العدس مع معلقة كمون و نسيبه يغلى لحد ما ينزل الماية بتاعته عشان بينزل لون غامق بيغمق الرز لحد ما يستوي و نصفيه ، فى حلة تانية صغيرة نغلى الحمص مع معلقة كمون لغاية ما يستوى. القسم التالت :  نجيب عصير طماطم مع معلقة صلصة نحطها على النار لحد ما تتسبك ، نفرم توم و نحط عليه ( ملح / شطة / جوزة الطيب / فلفل اسود / بابريكا / كمون / كسبرة ناشفة ) و نحمرهم زى طشة الملوخية كدا و نحطها على صلصة الطماطم ، فى نفس الوقت هنقطع شرايح بصل ابيض و نحط عليه معلقة خل و رشة دقيق عشان البصل يكون مقرمش ، نحمره فى زيت غزير سخن اول ما يوصل للون الدهبى نطلعه. القسم الرابع :  الدقة ( ك

-طريقة عمل الفراخ الكرسبى  أولاً : الفراخ   بنسلق الفراخ عادي و نحط فى الشوربة ( فلفل اسود / روزمارى / بهارات فراخ / ملح / حبهان / ورق لورى / قرفة خشب )  و نسيبها تستوى ، نجيب ٣ اطباق طبق فيه دقيق و طبق فيه بيضة و شوية فلفل و طبق فيه بقسماط ( البقسماط بنعمله فى البيت بنجيب عيش ناشف نكسره فى المفرمة و كورن فليكس و مرقة دجاج و توابل ملح و فلفل اسود و بهارات و لو فى فيجيتار بنحط شوية بنطحن كله فى المفرمة و منطحنش اوى عشان يبقي كرسبى مش ناعم ) بس كدا نحط الفراخ الاول فى الدقيق بعدين البيض بعدين البقسماط و نحط فى صينية فيها زيت سخن نقلب على الوشين دقيقتين كدا لحد ما تتحمر و نطلعها. ثانياً : بطاطس بوريه  بنسلق البطاطس بقشرها و بعد ما تخلص سلق نقشرها و نهرسها جامد و نحط معاها بقدونس و توابل ملح و كمون و بهارات ، و نحشيها لحمة مفرومة او اى نوع جبن اللي تحبيه ، بنمسك حتة و نحط فى النص جواها جبنة او لحمة مفرومة و نقفلها كور كدا زى الصورة ، و فى نفس ال ٣ اطباق اللى حطينا فيهم الفراخ هنحط فيهم البطاطس ، دقيق / بيض / بقسماط  و نحطها فى نفس الطاسة بتاعة الفراخ عشان تتحمر. ثالثا

-طريقة عمل الكبدة الاسكندرانى  الكبدة الاسكندرانى و جمال الكبدة الاسكندرانى. أولاً : تتبيلة الكبدة  ١-توم مفروم  ٢- معلقتين خل  ٣- لمونة  ٤- ملح  ٥- فلفل اسود  ٦- كزبرة ناشفة  ٧ كمون  الكبدة بتجيبيها جاهزة متقطعة او بتقطعيها فى البيت شرايح طويلة رفيعة ، بنحط المكونات كلها على الكبدة و ندمجها كويس و نغطيها بأسترتش و نحطها فى التلاجة ساعتين ، نقطع شرايح فلفل رومى و توم و قرن فلفل حراق للى بيحبها سبايسى ، نجيب طاسة فيها معلقة كبيرة سمنة و ننزل بالفلفل و التوم يتشوحو و بعدها ننزل بالكبدة و نفضل نشوح لحد ما تستوى مش بتاخد وقت ١٠ دقايق و اطفى ، ممكن تحطيها فى العيش الفينو بتبقى جميلة او تعملى جنبها مكرونة حسب الرغبة.

-طريقة عمل فتة الشاورما بنجيب صدور فراخ نقطعها قطع صغيرة ، و نقطع ( بصل / طماطم / فلفل الوان / فصين توم ) ، نجيب طاسة فيها معلقة سمنة و ننزل الفراخ الاول تاخد صدمة و اول ما لونها يبقي ابيض كدا ننزل باقى المكونات و نحط توابل ( ملح / فلفل اسود / زعتر / كمون / بهارات فراخ / روزمارى او ريحان لو عندك ) ، نفضل نشوح فيهم لحد ما تستوى الفراخ. فى نفس الوقت نغسل الرز و فى حلة معلقة صغيرة زيت او سمنة و نشوح الرز شوية و ننزل بالشوربة و نظبط الملح و نحط ( كركم / كارى ) عشان الرز يبقي لونه اصفر ، تغلى الشوربة نوطى و نغطى و يستوى الرز على نار هادية ، اخر حاجة بنجيب العيش الشامى نقطعه مكعبات و نقليه فى زيت سخن غزير لحد ما يوصل للون الدهبى ، ممكن تعملى جنبها صوص عبارة عن ( طحينة / زبادى / توم مفروم / زيت زيتون / نص لمونة / شوية خل ) يتقلبو جامد ، بنجيب طبق نحط الرز الاول و بعدها الصوص و قطع الفراخ و قطع العيش الشامى تزوقيه على طرف طبق التقديم . 

-طريقة عمل المكرونة بالبشاميل المكرونة بالبشاميل ميختلفش عليها اتنين الكل بيحبها و من الاكلات اللى بتتكرر كتير. الاول بنسلق مكرونة فرن عادى و نصفيها ، بعدها نعصج اللحمة المفرومة بنجيب بصلة مفرومة نشوحها بالسمنة لحد ما لونه يدبل ننزل باللحمة المفرومة و نحط توابل ( ملح / فلفل / توم بودر / بصل بودر / بهارات ) و نقلب لحد ما اللحمة تتعصج و تستوى نقفل ، ممكن تحطي عليها معلقتين صلصة و انتى بتعصجيها بس دا حسب الرغبة ، البشاميل بقي بتجيبي ٥ معالق كبار زبدة مثلا عليهم ٣ معالق كبار دقيق و تقلبى لحد ما لون الدقيق يبقي دهبى تطفى و تسيبيه يهدى شوية ، تكونى مجهزة اللبن بارد مش سخن و تنزلى على الدقيق واحدة واحدة مع التقليب لحد ما يمتزج تماما ، نحطه على النار تانى مع استمرار التقليب و تحطى اى نوع جبنة عندك نستو / موتزاريلا / كريمى / رومى / شيدر اللى تحبيه و كله بيديها طعم ، نجيب كوباية فيها ماية نهرس فيها مرقة دجاج و شوية فلفل اسود و نرميهم على البشاميل و نقلب لحد ما يوصل للقوام الكريمى لا تقيل و لا خفيف ، ناخد شوية من البشاميل نخلطهم بالمكرونة ، و لو اللحمة المفرومة كتير خدى شوية الاول اخلطي

-طريقة عمل الستيك و خضار سوتيه steak  أولاً : المقادير   ١- معلقة ملح متوسطة  ٢- معلقة فلفل اسود صغيرة  ٣- زعتر  ٤- روزمارى  ٥- معلقة صغيرة بهارات حسب الرغبة  ثانياً : الطريقة   بنتبل الاول الستيك برشة ملح و فلفل و نسيبهم شوية ، بعدها نجيب طاسة فيها معلقة زيت و نحط الستيك نفضل نقلب على الوشين لحد ما يوصل للون الدهبى ، نحط زعتر و روزمارى و بهارات و معلقة زبدة عشان تدخل فى الستيك اثناء التسوية ، لما تقرب تستوى نحطها على الجريل و نحط قطعة زبدة تسيح عليها من فوق و تاخد شكل خطوط الجريل ، لو عايزين الستيك have done و لونه من جوا يبقى وردى متكملوش سواه للاخر ، لو عايزينه well done كملو سواه شوية. الخضار سوتيه بتقطعى كوسة و جزر و فاصوليا و بطاطس و تتبليهم بملح و فلفل و كمون و بهارات ، البطاطس ممكن تسلقيها الاول عشان متاخدش وقت او ممكن تسويها مع الخضار بس هتاخد وقت شوية ، نشوح الخضار كله بمسحة زبدة لحد ما يدبلو كدا ، الرز بيتغسل و على النار معلقة زيت او زبدة و ننزل بالرز مع الخضار نشوح جامد و بعدها ننزل بالشوربة لو مش عندك شوربة يبقى ماية و مرقة دجاج يدوب الماية ت

-طريقة عمل الكبسة الكبسة من اشهى الاكلات و الذها و سهلة جدا و بنتفع فى العزومات و مش بتاخد وقت. بنسلق اللحمة الاول و ننقع الرز البسمتى ٢٠ دقيقة عشان مياخدش سوا ، فى حلة معلقة سمنة و نشوح بصلة مفرومة و توم مفروم و جزر مبشور ، نشوح شوية و نرمى عليهم اللحمة نشوحها معاهم و نحط توابل ( قرفة خشب / ورق لورى / حبهان / توم بودر / بصل بودر / فلفل اسود / ملح / بابريكا / لمون ناشف ) بعدها نرمى عصير الطماطم و معلقة صلصة و نسيبها تتسبك شوية ، بعدها نرمى الرز و نزود شوربة و اول ما تغلى نوطى على الاخر و نغطى لحد ما يستوى و بألف هنا.

-طريقة عمل كوكيز 🍪cookies أولاً : المقادير  ١- ٢ كوب دقيق  ٢- نص كوب زبدة  ٣- ٢ بيضة  ٤- كوب سكر بنى  ٥- نص معلقة صغيرة بيكنج بودر  ٦- رشة ملح  ٧- معلقة كبيرة فانيليا  ٨- كوب و ربع شوكلت شيبس ثانياً : الطريقة  نضيف الزبدة مع السكر و نخلطهم كويس و بعدين نضيف البيض و الفانيليا و الملح و نخلطهم كويس و بعدها نضيف الدقيق و البيكنج بودر و نقلبهم بعدين نضيف الشوكلت شيبس و نشكلها كور و نبططها فى الصينية ، نسخن الفرن شوية على درجة حرارة ٢٠٠ و ندخلهم بتاخد ١٠ دقايق مثلاً و بس كدا بألف هنا.

-طريقة عمل كوسة بالبشاميل بتجيبي كمية الكوسة اللى هتعمليها بنغسلها كويس و بعدين نقطعها دواير مش تخينة و مش رقيقة اوى و تتبليها بملح و فلفل اسود و بهارات فراخ و بابريكا و سيبيها ١٠ دقايق.  بعدين تجيبي طاسة فيها معلقتين زبدة و تنزلى بالكوسة تفضلى تشوحيها لحد ما تدبل و تاخد لون و تحسي انها استوت اطفى عليها ، نعصج اللحمة المفرومة نحط عليها بصلة صغيرة و توابل و نقلب لحد ما تتعصج ، نعمل البشاميل معلقتين دقيق كبار عليهم ٣ معالق زبدة و نقلب لحد ما لون الدقيق يبقي دهبى نطفى و نسيبه يهدى شوية بعدين ننزل اللبن بارد و لازم يكون بار مش سخن عشان الدقيق ميكلكعش بالراحة مع التقليب على البارد لحد ما الدقيق يمتزج مع اللبن و ميكنش فيه اى كلاكيع بعدين نحطهم على النار تانى و نقلب كويس لحد ما القوام يبقي كريمي لا تقيل و لا خفيف ، ممكن تحطى جبنة نستو لو عندك او تبشري جبنة رومي او تحطى جبنة كريمى كل دا بيديها نكهة حلوة اوي ، نجيب كوباية نحط فيها مرقة دجاج و مية و فلفل اسود و نقلبهم جامد و ننزل على البشاميل و نقلب لحد ما كله يمتزج ببعضه و القوام يبقي كريمي نقفل.  نجيب الطاجن نحط شوية بشاميل من تحت

-طريقة عمل بسكوت الشوفان   بسكوت الشوفان مفيد جدا للكبار و للاطفال خفيف و طعمه جميل و مكوناته موجودة فى كل بيت. أولاً : المقادير   ١- كوباية دقيق  ٢- نص كوباية شوفان  ٣- نص كوباية زيت  ٤- رشة ملح  ٥- معلقتين سكر  ٦- بيضة  ٧- فانيليا  ٨- بيكنج بودر  ثانياً : الطريقة  هنعجن كل المقادير مع بعض لحد ما القوام يتماسك ، نفرد العجينة على ورق زبدة و نبدأ نشكلهم ممكن تشكليهم بالاشكال الجاهزة بتاعة البسكوت او لو مش عندك اعملى الاشكال بالسكينة زى ما انتى حابة ، تكونى مشغلة الفرن قبلها على درجة حرارة ٢٠٠ عشان يسخن ، تدهني الصينية زيت عشان ميلزقش تدخلى الصينية الفرن و تتابعيه اول ما الارضية تتحمر اقلبيه على الناحية التانية و بألف هنا.

-طريقة عمل البيتزا/ المينى بيتزا🍕 أولاً : المقادير  ١- دقيق ٢-بيضة  ٣- زيت  ٤- خميرة فورية  ٥- ملح  ٦- سكر  ثانياً : الطريقة  بنحط كله على بعضه كوبايتين دقيق و بيضة و معلقة خميرة و رشة ملح و رشة سكر و معلقتين زيت و مياة دافية للعجن ، المياة انتى اللى بتقدريها تزودى حبة و تعجنى لحد ما تحسى انها مرتاحة معاكى و مبقتش تلزق ف ايدك هتاخد ١٠ دقايق فى العجن مثلاً ، تغطيها بأسترتش و تسيبيها تخمر فى مكان دافى ساعة عشان تكونى ضمنتى ان الخميرة جابت اخرها تفردى العجينة و تقسميها بكوباية متوسطة او غطا برطمان دا لو هتعملى مينى بيتزا لو هتعملى بيتزا كبيرة هتفرديها على طول فى الصينية. الحشو بنعمل الصلصة عبارة عن عصير طماطم مع فصين توم و توابل ( فلفل اسود / ملح / توم بودر / بصل بودر / روزمارى / زعتر ) و ندهن بيها البيتزا.  نقطع شرايح بصل و فلفل رومى و طماطم نحطها على الصلصة ، و اخر حاجة الحشو بقي على حسب الرغبة ممكن لحمة مفرومة متعصجة / فراخ / تونة / سجق / سوسيس / بسطرمة / لانشون الحشو اللي يريحك و تقطعى زيتون و طبعاً فى الاخر جبنة موتزاريلا ، تدخليها الفرن و تتابعيها

طريقة عمل برجر الفراخ - chicken macdo🍔 اسهل طريقة لعمل برجر الفراخ و انضف و اوفر من برا بكتير. أولاً : المقادير  ١- نص كيلو صدور فراخ  ٢- معلقة بابريكا  ٣- زنجبيل  ٤- ملح  ٥- فلفل اسود  ٦- بصل بودر  ٧- توم بودر  ٨- بهارات فراخ لو متوفر  ٩- نص كوباية بقسماط  ١٠- معلقة زيت  ثانياً : الطريقة  نفرم كله فى المفرمة كويس لحد ما يبقي ناعم خالص بعدها نجيب ورق زبدة نحط عليه البرجر و نفرده خالص و نساويه ، نجيب مكبس البرجر و نقطع و لو مش عندك المكبس ممكن غطا برطمان و نقطع كله بعد ما نخلص نحطهم في علبة تلاجة مثلا و بين كل واحدة و التانية نحط كيس شفاف او استرتش المهم يكون بينهم عازل عشان ميلزقوش فى بعض و نحطه فى الفريزر.  تطلعيه بقى تعمليه على الجريل بمسحة زيت و نحطه فى الكايزر مع جبنة شيدر و كاتشب و تومية او على حسب الحشو اللى تحبيه و بس كدا.

-طريقة تحضير رز ريزو بالفراخ🍛 اولاً نشوح الفراخ من غير ما نسلقها نشوحها بالسمنة و نحط توابل ( قرفة خشب / حبهان / ورق لورى / فلفل اسود / ملح / بهارات فراخ لو متوفر / بصل بودر / توم بودر / مرقة دجاج )  نحط بصلاية مفرومة و توم مفروم و نبشر جزر و نفضل نشوح كله مع بعض لحد ما يوصل لون الفراخ للون الدهبى نبدأ نزودها ماية و نغطي لحد ما الفراخ تستوى.  تستوى الفراخ نطلعها و ندعكها بزيت و زعفران و كارى و بهارات فراخ ، نحطها فى صينية تحت الشواية لحد ما وشها يتحمر و تاخد اللون . الرز البسمتى ننقعه قبلها ب ٢٠ دقيقة مثلاً عشان مياخدش سوا لو نسيتي تنقعيه زودي ماية عشان بيحتاج سوا عن الرز العادى ، هنشوح الرز مع سمنة و نزوده بشوربة الفراخ و نحط كارى و زعفران عشان يدى اللون الاصفر و نظبط الملح ، اول ما الشوربة تغلى نوطى على الاخر و نغطى لحد ما يستوى و بالهنا و الشفا. 

-طريقة عمل البان كيك 🥞 البان كيك من الحلويات المشهورة و الكل بيحبه ممكن يتعمل على الفطار مع مشروبك المفضل او عشا خفيف او كتحلية بعد الاكل. أولاً : المقادير  ١- كوب دقيق  ٢- كوب الا ربع لبن  ٣- ربع كوب زيت  ٤- ربع كوب سكر  ٥- بيضة  ٦- معلقة صغيرة بيكنج باودر  ٧- معلقة صغيرة فانيليا  ثانياً : طريقة التحضير  بنحط كل المكونات فى الخلاط و نضربهم كويس و بعدين طاسة سخنة و يفضل تكون تيفال عشان متلزقش ندهنها زيت بالفرشة على نار هادية و ننزل الخليط بالمغرفة اول ما يبتدى يعمل فقاقيع كدا نقلبه علي الوش التاني  الكمية دى تعمل ٦ وحدات مثلا و لو حابة اكتر تزودى الخليط ، بعد ما نخلص تدهنيها من ممكن نوتيلا او مربي او عسل اللي تحبيه و لو معندكيش نوتيلا ممكن تحطي معلقتين كاكاو خام مع شوية لبن على النار و تفضلي تقلبى لحد ما يغلى و القوام يتقل تطفي و تصبي علي البان كيك و تقطعي قطع موز على حسب الرغبة و بألف هنا و شفا. 

-طريقة عمل الشيش طاووق الشيش طاووق بتجيبي صدور فراخ او وراك الوراك اطعم بس زى ما تحبى و تقطعيها قطع صغيرة. تتبيلة الشيش طاووق : ٢ طماطم / بصلة صغيرة / قرن فلفل / معلقة صغيرة هريسة شطة للى بيحبها / معلقة صغيرة بهارات فراخ / معلقة صغيرة بابريكا / معلقة صغيرة فلفل اسود / معلقة صغيرة كمون / فصين توم / مرقة دجاج / معلقتين خل. هنحط كله فى الخلاط مع ربع كوباية ماية ، بعد ما يتخلطو هنجيب بولة نصب فيها الخليط و عليهم معلقتين زيت / نص لمونة / علبة زبادى / نص معلقة ملح صغيرة.  هنخلطهم كويس و نحط فيها قطع الفراخ و نسيبهم فى التتبيلة ساعتين فى التلاجة و يفضل نسيبهم ليلة كاملة عشان تشرب التتبيلة ، بعدين نقطع بصل / فلفل الوان / طماطم و نسخيهم .  نجيب جريل او طاسة عادية نحط معلقتين زيت يسخن كويس و ننزل بالاسياخ و نقلب لحد ما يستو كويس و بعد ما نخلص هنجيب فحمة نولعها و نسخنها و نحطها علي ورقة فويل و نحط على الفحمة معلقة سمنة و نغطيها بغطا و نسيبها ١٠ دقايق و الف هنا.  لو هنعمل جنبه مكرونة يبقي ناخد من تتبيلة الشيش و نحطها مع المكرونة مع التسبيكة و نعمل المكرونة عادى او ممكن نعمل م

-شوربة السي فود  شوربة السي فود و جمال شوربة السي فود بتبقي جميلة و خفيفة كمان لو اتعملت بالتكات المطلوبة 👌 أولاً :   لما تيجي تنضفى الجمبرى مترميش القشر عشان هنحتاجه فى الشوربة ، ننضف الجمبرى بنشيل القشر و نفتح ضهره و نطلع الخط الاسود و نغسله كويس ممكن نصه نحمره فى دقيق و بيض و بقسماط و نصه نحطه في الشوربة زي ما تحبى . ثانياً : تتبيلة الجمبرى نفرم توم / نص لمونة / فلفل اسود / ملح / كمون و نخلطهم بالجمبرى  بعد كدا نعمل التتبيلة اللى هتتحط فى الشوربة ( نفرم بصلة / قرن فلفل حراق / شوية توم )  بعدها نجيب حلة فيها شوية زيت مع معلقة دقيق كبيرة نحمرهم لحد ما لون الدقيق يوصل للون الدهبي نرمى عليه التتبيلة اللى فرمناها و نحط توابل ( قرفة خشب / ٥ فصوص حبهان / ورق لورى / معلقة صغيرة ملح )  نحط قشر الجمبرى و نقلب لمدة ٣ دقايق.  فى نفس الوقت تكوني مسخنة ماية فى الكاتل و تحطيها عليهم يدوب تغطيهم و وطى النار خالص ١٠ دقايق بعدها حطي الجمبرى و الكابوريا و الجندوفلى تكوني غسلاهم و منضفاهم و تسيبيهم يغلو لمدة ٣ دقايق في الشوربة و اطفي النار و تشربى احلى شوربة سي فود. 

-طريقة عمل Cup cake الكب كيك من الذ و اشهي الحلويات البسيطة و سريعة و مكوناتها موجودة فى كل بيت و تنفع في فطار او عشا خفيف مع المشروب المفضل. أولاً : المقادير  ١-كوب دقيق  ٢-نص كوب زيت ٣-نص كوب سكر  ٤-نص كوب لبن  ٥- ٤ معالق نوتيلا او كاكاو خام  ٦- بيضتين  ٧- معلقة صغيرة فانيليا  ٨- بيكنج باودر ٩-ذرة ملح  ثانياً : الطريقة  بنجيب بولة نحط فيها الدقيق و البيكنج باودر و باقي المكونات نخلطهم فى الخلاط كويس و نصبهم فى البولة على الدقيق و نضرب بالمضرب اليدوى لحد ما يمتزج القوام ، تجيبي قالب الكب كيك و تحطي جواه ورق الكب كيك لو مش عندك الورق ادهنى القوالب زيت عشان متلزقش و متمليش القالب على الاخر عشان بيعلي ، و ممكن بعد ما تصبى الخليط فى القوالب تبشرى شوكولاتة ، تكونى مشغلة الفرن قبلها عشان يكون سخن على درجة حرارة ٢٠٠ و تدخليها فى خلال ٢٠ دقيقة هتكون جاهزة تطلعيها ممكن تزينيها بنوتيلا و بألف هنا.

-وصفة عيش الشاورما السورى و الكريب وصفة العيش السورى : الوصفة دي ممكن نعمل منها العيش السوري او الكريب او الكانيلوني و سهلة ممكن تتعمل للاطفال فى المدرسة او لجوزك في الشغل و مش مكلفه و هتوفرلك كتير . اولاً : المقادير  ١- كوب لبن  ٢- كوب دقيق ٣- بيضة ٤- رشة ملح و فلفل  ٥- معلقة زيت او زبدة ثانياً : الطريقة  نخلط كل المكونات كويس في الخلاط و علي طاسة تيفال سخنة نمسحها بزيت بالفرشة عشان متلزقش ، دقيقة و اقلبيها علي الناحية التانية و بين كل واحدة و التانية نمسح الطاسة بزيت و بعد ما تخلصي الحشو بقي على حسب الرغبة ممكن شاورما او بطاطس و تومية او ميكس جبن ، بعد ما تحشي و تقفليه تحطيهم تانى على الجريل كلهم على نار هادية و تكبسي عليه بطاسة عشان ياخد شكل خطوط الجريل و الاطراف تقرمش.  الكمية دى تعمل ٥ كريبات مثلا و لو عايزة اكتر بتزودى الكمية  طريقة التومية :  هنقلب النشا مع الماية الاول على النار لحد ما يتكون خليط شفاف نطفي و نسيبه يبرد و بعدين فى الكبة ننزل النشا مع معلقتين كبار زبادى و معلقتين كبار مايونيز و معلقة ملح و معلقة خل و نضرب كويس و ننزل بالزي

-وصفة الجاتوه شاتو/ chocolate cake الجاتوه شاتو من الذ الحلويات و اسهلها في التحضير و الكل بيحبها خاصة الأطفال ، ممكن تقدميها للضيوف بشكل شيك أو ممكن تحضريها في عيد ميلاد أولادك و توفرى لجوزك تمن التورتة 😂 يلا بينا نشوف المقادير و طريقة التحضير خطوة بخطوة. اولاً : المقادير  ١- كوباية لبن ٢- كوباية دقيق ٣-كوباية زيت ذرة أو عباد  ٤-كوباية سكر ٥-نصف كوباية كاكاو خام ٦-بيضتين ٧-كيس فانيليا او ممكن تستبدليها بقرفة لو معندكيش فانيليا ٨-كيس بيكنج باودر ثانيا : طريقة التحضير بنحط اللبن و الزيت و السكر و الكاكاو ف الخلاط و نضربهم سوا و نشيل كوباية منها للتزيين ف الثلاجة لحد ما نخلص الكيك ، بنجيب بولة نحط فيها الدقيق و الفانيليا و البيكنج باودر و نحط عليهم باقي الخليط اللى ضربناه ف الخلاط و نضرب بالمضرب اليدوى أو الكهربائى و بعدين نجيب صينية ندهنها  زيت عشان متلزقش و نصب الخليط و تكونى مشغلة الفرن قبلها على درجة حرارة ٢٢٠ ، نحطها ف الفرن لمدة ٢٠ دقيقة و تطلعيها و تسيبيها تبرد بعد ما تبرد تصبى الكوباية اللى حاطيناها في الثلاجة و بس كدا تحطيها ف التلاجة و بألف هن